Prezident İlham Əliyevin Sərəncamı ilə Müdafiə Nazirliyinin 5 hərbi qulluqçusuna "general-mayor" ali hərbi rütbəsi verilib. Azərbaycanın müstəqilliyinin və ərazi bütövlüyünün qorunmasında xüsusi xidmətlərinə, həmçinin xidməti vəzifələrini yerinə yetirərkən fərqləndiklərinə görə bir qrup hərbçi isə 3-cü dərəcəli “Vətənə xidmətə görə” ordeni, “Vətən uğrunda” və “Hərbi xidmətlərə görə” medalları ilə təltif olunub.Azərbaycanın ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissələr qarşısında qoyulmuş tapşırıqların icrası zamanı vəzifə borclarını şərəflə yerinə yetirərək şəhid olmuş Müdafiə Nazirliyinin hərbi qulluqçuları və mülki işçiləri ölümündən sonra təltif ediliblər. Prezident İlham Əliyevin imzaladığı sərəncama əsasən, onlar "Azərbaycan Bayrağı" və 3-cü dərəcəli "Rəşadət" ordenləri, “İgidliyə görə”, “Vətən uğrunda” və “Hərbi xidmətlərə görə” medalları ilə təltif olunublar.