Bu günə qədər növbədənkənar prezident seçkiləri ilə əlaqədar 512 beynəlxalq müşahidəçi akkreditasiyadan keçib. Mərkəzi Seçki Komissiyasının sədri Məzahir Pənahov bildirib ki, müşahidəçilər 49 beynəlxalq təşkilat və 70 ölkəni təmsil edir. Həmcinin seçkiləri ilə bağlı Şuşa, Xankəndi, Suqovuşan və Ağalıda "exit-poll" keçiriləcək. "Exit-poll” keçirmək üçün akkreditasiya ilə əlaqədar üç təşkilatın müraciətinə baxılıb.