Bu gün Qaradağ rayonunda baş verən yol-nəqliyyat hadisəsində xəsarət alanların sayı 11 nəfər olub. Hazırda 3 nəfərin vəziyyəti ağır, 5 nəfərin vəziyyəti stabil olaraq qiymətləndirilir, 3 nəfər isə ambulator müalicə üçün evə buraxılıb. Qeyd edək ki , “İsuzu” markalı avtobus qanunsuz sərnişindaşıma fəaliyyəti ilə məşğul olan “Mercedes” markalı mikroavtobusla toqquşub. Nəticədə “Mercedes” markalı avtobusda olan sərnişinlərdən 2 nəfər hadisə yerində həyatını itirib.