Azərbaycan millisinin futbolçusu Ramil Şeydayev yanvarın 17-də Türkiyənin “Kocaelispor” klubuna qoşulacaq. 28 yaşlı hücumçu tibbi müayinədən keçdikdən sonra I Liqa təmsilçisi ilə 2025-ci ilin yayına qədər müqavilə imzalayacaq və kollektivlə ilk məşqinə çıxacaq. Son klubu Tailand təmsilçisi “Buriram Yunayted” olan Şeydayev bütün turnirlərdə 16 oyunda 1 qol vurub, 4 məhsuldar ötürmə verib.