Səudiyyə Ərəbistanının “Əl-Hilal” klubu İngiltərə təmsilçisi “Liverpul”un futbolçusu Məhəmməd Salahı 150 milyon avroya transfer etmək istəyir. Ərəblər qarşı tərəflə bununla bağlı danışığa başlayıblar. Yurgen Klopp mövsümün sonunda “qırmızılar”ın baş məşqçi postunu tərk edəcəyini açıqladığından, misirli hücumçu da ayrılmaq qərarına gəlib. “Əl-Hilal” 100 milyon avro nəğd, 50 milyon avro isə bonus şəklində ödəməyi planlaşdırır. Məhəmməd Salahın “Liverpul”la müqavilə müddəti 2025-ci ilin yayına qədərdir.