Növbədənkənar prezident seçkiləri üzrə Azərbaycanın Türkmənistandakı səfirliyində yaradılmış 48 nömrəli seçki məntəqəsində gün ərzində seçicilərin fəal iştirakı ilə nəzərə çarpan səsvermə prosesi yerli vaxtla saat 19-da başa çatıb. Seçicilərin 90 faizindən çoxunun məntəqəyə gələrək səsvermədə iştirak etdiyi məlum olub. Ölkəmizin Pakistandakı səfirliyində də səsvermə prosesi başa çatıb. Pakistanda yaşayan Azərbaycan vətəndaşları ilə yanaşı, müxtəlif səbəblərdən İslamabadda olan səsvermə hüququna malik seçicilər də səs veriblər.