ABŞ Prezidenti Donald Trump bildirib ki, ABŞ və İsrailin İrana qarşı həyata keçirdiyi hərbi əməliyyat bu həftə başa çatmayacaq, lakin tezliklə yekunlaşacaq.O, bu açıqlamanı Ağ Evdə jurnalistlərin suallarını cavablandırarkən verib. Tramp həmçinin iddia edib ki, İran yalnız nüvə silahı hazırlamağa deyil, onu istifadə etməyə də çalışır. Onun sözlərinə görə, ABŞ-nın İranın nüvə obyektlərinə zərbələri olmasaydı, Tehran qısa müddətdə nüvə silahı əldə edə bilərdi.ABŞ və İsrail fevralın 28-də İrana qarşı hərbi əməliyyata başlayıb. Buna cavab olaraq İslam İnqilabı Keşikçiləri Korpusu region ölkələrindəki bir sıra obyektlərə zərbələr endirdiyini açıqlayıb və genişmiqyaslı cavab əməliyyatı barədə bəyanat yayıb.