WUF13 çərçivəsində çıxış edən iqtisadiyyat naziri Mikayıl Cabbarov bildirib ki, müstəqilliyin ilk illərində Azərbaycan ciddi qaçqın və məcburi köçkün problemi ilə üzləşib.1989-cu ildən başlayaraq Ermənistandan və işğal olunmuş ərazilərdən insanların axını ölkədə mənzil və sosial problemləri daha da artırıb. Həmin dövrdə ölkədə hər 8 vətəndaşdan biri qaçqın və ya məcburi köçkün olub. M.Cabbarov qeyd edib ki, qanunsuz tikililərə sadə amnistiyanın tətbiqi müəyyən dövrdə sosial problemlərin həllinə kömək etsə də, uzunmüddətli perspektivdə yeni qanunsuz tikintilərin artmasına səbəb ola bilər.Nazir əlavə edib ki, “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” ölkədə mənzil təminatı sahəsində yükün azalmasına dəstək verir.