Kişi boksçular arasında Azərbaycan çempionatında II günün döyüşləri keçirilib. 41 komandanın qatıldığı yarışda 33 görüş baş tutub. 5 çəki dərəcələrində 1/4 finala yüksələn boksçular müəyyənləşib. Mərhələ adlayanlar sırasında yığmanın üzvləri Malik Həsənov, Tayfur Əliyev, Nəbi İsgəndərov da yer alıb. Həmçinin, dünya çempionumuz Cavid Çələbiyev də ilk görüşünü qələbə ilə başa vurub. Çempionatın III günündə isə 27 görüş olacaq. Yarışın qalibləri dekabrın 8-də bəlli olacaq.

Lalə Nəsib