Azərbaycan-İran dövlət sərhədində Astaraçay üzərində avtomobil körpüsünün və modul tipli buraxılış məntəqəsinin açılışı olub. Tikintisi ötən il martın 1-də başlayan, yük nəqliyyat vasitələri üçün nəzərdə tutulan körpünün ümumi uzunluğu 97,5 metr, eni 4 metr təşkil edir. Modul tipli dövlət sərhədindən buraxılış məntəqəsinin tikinti-quraşdırma işləri isə cari ilin avqustun 28-də başlayıb və dekabrın 1-də yekunlaşdırılıb. Son texnoloji imkanlara malik yeni avadanlıqla təchiz olunan yeni məntəqədən sutkalıq 250-300 yük nəqliyyat vasitəsinin qəbul edilməsi nəzərdə tutulub.

Lalə Nəsib