İşğaldan azad olunan Zəngilan və Qubadlı rayonlarında da növbədənkənar prezident seçkiləri üzrə səsvermə davam edir. Zəngilan rayonu Ağalı kəndində yaradılan 33 saylı məntəqə üzrə 971 nəfər, Alıbəyli kəndində 61 saylı məntəqə üzrə 615 nəfər, Ağbənd qəsəbəsində 62 saylı məntəqə üzrə 561 nəfər, Qubadlı rayonu Xanlıq kəndində 63 saylı məntəqə üzrə isə 1387 nəfər səsvermə hüququndan istifadə edə biləcəklər. 124 saylı Şuşa-Ağdam-Xocalı-Xocavənd seçki dairəsinin Hadrut qəsəbəsində yaradılmış 108 saylı seçki məntəqəsində də seçici fəallığı müşahidə olunur. Məntəqə üzrə qeydə alınan 526 seçici səhər saatlarından etibarən öz konstitusion hüquqlarından istifadə edirlər.

Lalə Nəsib