Bu gün "Qarabağ" UEFA Avropa Liqasının 1/8 final mərhələsində cavab oyununa çıxacaq. Azərbaycan çempionu Almaniyada "Bayer 04" komandası ilə üz-üzə gələcək. "BayArena"dakı qarşılaşma Bakı vaxtı ilə gecə saat 12-də başlayacaq. Görüşü ingiltərəli FIFA referisi Entoni Teylor idarə edəcək. Bakıdakı ilk matç 2:2 hesabı ilə nəticələnib. Bu gün qitənin ikinci dərəcəli klub turnirində daha 7 matç baş tutacaq. “Vilyarreal” - “Marsel”, “Reyncers” - “Benfika” ,“Vest Hem” - “Frayburq” və “Slaviya” - “Milan” oyunları saat 21:45-də start götürəcək. “Liverpul” - “Sparta”, “Brayton” - “Roma”, “Atalanta” – “Sportinq” oyunları isə 12-də başlayacaq.

Lalə Nəsib