Cari il dekabrın 15-dək vəfat etmiş şəxslərin adları seçici siyahılarından çıxarılıb və Mərkəzi Seçki Komissiyasına təqdim edilib. Ədliyyə nazirinin müavini Toğrul Musayevin sözlərinə görə, səsvermə gününədək 18 yaşı tamam olan şəxslərin də siyahısı hazırlanıb. Daxili işlər nazirinin müavini İsmət Əliyev isə bildirib ki, seçki gününədək 18 yaşı tamam olacaq vətəndaşlara lazımi sənədlərin verilməsinə başlanıb. Baş prokurorun birinci müavini Elçin Məmmədov seçki komissiyalarının işinə müdaxilə edənlərin cinayət və inzibati məsuliyyətə cəlb olunacağını açıqlayıb.

Lalə Nəsib