Füzuli, Ağdam, Ağdərə, Xocalı və Tərtərdə yol layihələrinin icrası davam etdirilir. Avtomobil Yolları Dövlət Agentliyindən bildirilib ki, ümumi uzunluğu 65.7 km olan Füzuli-Ağdam avtomobil yolu I texniki dərəcəyə uyğun inşa edilir. Uzunluğu 18 km olan Bərdə–Ağdam, 35.5 km uzunluğa malik Ağdərə-Ağdam və uzunluğu 80 km olan Suqovuşan-Sərsəng su anbarı-Qozlukörpü-Kəlbəcər avtomobil yolllarında da tikinti işləri davam etdirilir. Hər 3 avtomobil yolu II texniki dərəcəyə uyğun müasir səviyyədə yenidən qurulur.

Lalə Nəsib