Goranboyda hərəkətdə olan avtomobil yolu qarşı tərəfə keçmək istəyən 1951-ci il təvəllüdlü Adil Ələkbərovu vurub. Piyada xəstəxanaya yerləşdirilib, vəziyyətinin orta-ağır olduğu bildirilir. Bakının Xəzər rayonunda isə 52 yaşlı Natiq Bünyadov idarə etdiyi avtomobili yol kənarındakı maneəyə çırparaq aşırıb. Yaralı xəstəxanaya çatdırılıb. Müayinə zamanı ona qapalı kəllə-beyin travması və bel fəqərəsinin sınığı diaqnozu qoyulub. Ağdamın Birinci Dördyol qəsəbəsində də “Mercedes” markalı mikroavtobus yol kənarındakı maneəyə çırpılıb. 3 nəfər müxtəlif xəsarətlərlə xəstəxanaya yerləşdiriliblər. Fakt araşdırılır.

Lalə Nəsib