Ötən gün İraqın şimalında “Pence-Kilit” əməliyyatı bölgəsində Türkiyə ordusunun mövqelərinə terrorçuların hücumu zamanı 9 hərbçi şəhid olub. Bu barədə Türkiyənin Milli Müdafiə Nazirliyi məlumat yayıb. Türkiyə ordusu terrorçuların sığınacaq, daldalanacaq kimi istifadə etdikləri 29 mövqeyinə, mağaralara zərbələr endirib. Xeyli sayda terrorçu zərərsizləşdirilib. Azərbaycanın müdafiə naziri Zakir Həsənov Türkiyəli həmkarı Yaşar Gülerə başsağlığı verib. Terrora qarşı aparılan kəskin mübarizədə daim qardaş Türkiyə Silahlı Qüvvələrinin yanında olduğunu bildirib.

Lalə Nəsib