Növbədənkənar prezident seçkisi ilə əlaqədar Koreyadakı səfirliyimizdə yaradılan seçki məntəqəsində səsverməyə Bakı vaxtı ilə saat 3-də start verilib. Səsvermə prosesi Azərbaycan Konstitusiyasına, Seçki Məcəlləsinə və bu sahədəki digər qanunvericilik aktlarına uyğun aparılır. Yaşı 18-ə çatmış və aktiv seçki hüququna malik Azərbaycan vətəndaşları pasport və ya şəxsiyyət vəsiqəsi ilə səsvermədə iştirak edirlər. Azərbaycanın Koreyadakı səfirliyində yaradılan məntəqədə bu ölkədə yaşayan vətəndaşlarımızla yanaşı, müxtəlif səbəblərdən Seulda olan səsvermə hüququna malik seçicilər də səs verə bilərlər. Azərbaycanın Çindəki səfirliyində də prezident seçkilərində səsvermə başlayıb. Səfirlikdə 16 saylı Yasamal ikinci seçki dairəsi üzrə 44 saylı seçki məntəqəsi yaradılıb. Vətəndaşlarımız səhər saatlarından başlayaraq seçki məntəqəsinə gəlirlər. Hazırda seçicilərin xüsusi fəallığı müşahidə olunur.

Lalə Nəsib