“Respublika Perinatal Mərkəzi”də baş vermiş yanğınla bağlı 3 vəzifəli şəxs cinayət məsuliyyətinə cəlb edilib. Baş Prokurorluğun Mətbuat xidmətinin məlumatına görə, bunlar Mərkəzin direktoru Mehriban Abasquliyeva, Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədlidir. Məhkəmənin qərarı əsasında hər üç təqsirləndirilən şəxs barəsində ev dustaqlığı və vəzifədən kənarlaşdırma növündə qətimkan tədbirləri seçilmişdir. Yanvarın 9-u Respublika Perinatal Mərkəzində baş verən yanğınla bağlı istintaq-əməliyyat tədbirləri davam etdirilir. Hadisə nəticəsində 4 uşaq ölüb, 3 nəfər tüstüdən zəhərlənmişdir.

Lalə Nəsib