Prezident İlham Əliyevin sərəncamı ilə COP29-un Təşkilat Komitəsinin tərkibində dəyişiklik edilib. Təşkilat Komitəsinin sədri Prezident Administrasiyasının rəhbəri Samir Nuriyevdir. COP29-un müəyyən edilmiş Prezidenti Muxtar Babayev də daxil olmaqla, 41 nəfər Təşkilat Komitəsinin üzvüdür. Dövlət başçısının digər sərəncamı ilə Azərbaycanda dini qurumlara maliyyə yardımı ayrılıb. Sərəncamla Qafqaz Müsəlmanları İdarəsinə 2 milyon manat, Rus Pravoslav Kilsəsinin Bakı və Azərbaycan Yeparxiyası, Bakı şəhəri Dağ yəhudiləri dini icması, Avropa yəhudilərinin Bakı dini icması, Azərbaycanda Katolik Kilsəsinin Apostol Prefekturası və Alban-Udi xristian dini icmasın, habelə Mənəvi Dəyərlərin Təbliği Fonduna 350 min manat ayrılıb.

Lalə Nəsib