Kəlbəcər istiqamətində tutulmuş erməni diversant Qaqik Voskanyanın cinayət işi üzrə məhkəməsi keçirilir. Gəncə Ağır Cinayətlər Məhkəməsinin hakimi Abdulla Məmmədovun sədrliyi ilə Sabunçu Rayon Məhkəməsinin inzibati binasında keçirilən prosesdə təqsirləndirilən şəxs və zərərçəkmişlər ifadə verib. Məhkəmə istintaqının başa çatdığı elan olunub. Prokuror təqsirləndirlilən şəxsə 18 il müddətinə azadlıqdan məhrum edilməsini istəyib. O, cəzasının ilk 5 ilini qapalı, qalanını isə ciddi rejimli cəzaçəkmə müəssisəsində çəkməlidir. Məhkəmə hökmü elan etmək üçün müşavirəyə gedib.

Lalə Nəsib