“Qarabağ”ın baş məşqçisi Qurban Qurbanov dünya reytinqində irəliləyib. 52 yaşlı mütəxəssis dünyanın ən yaxşı baş məşqçilərinin siyahısında 138-cidir. O, ötən cədvəllə müqayisədə 1 addımlıq irəliləyişə nail olub. “Qarabağ”ın çalışdırıcısı hesabat dövründə Razvan Luçeskunu keçib. O, planetin 500 ən güclü mütəxəssisinin yer aldığı cədvəldə yeganə azərbaycanlıdır. Cədvələ 2223 xala malik “Mançester Siti”nin baş məşqçisi Pep Qvardiola başçılıq edir.

Lalə Nəsib