Ağdam rayon Mənzil kommunal istismar sahəsinin rəisi Valeh Abdullayev barəsində cinayət işi başlanıb. Onun müxtəlif şəxslərin işlə təmin olunması, faktiki olaraq işə gəlməyən şəxslərə əməkhaqqı verilməsinə şərait yaradılması, dövlət mülkiyyətində olan mənzillərin başqa şəxslərin istifadəsinə verilməsi və digər bu kimi qanunsuzluqları məlum olub. Bunun müqabilində rüşvət istəməsinə əsaslı şübhələr müəyyən edilib. O, tələb etdiyi pul vəsaitlərini vətəndaşlardan alarkən cinayət başında yaxalanıb. Barəsində məhkəmənin qərarı ilə ev dustaqlığı və vəzifədən kənarlaşdırma növündə qətimkan tədbirləri seçilib.

Lalə Nəsib