Xarici işlər naziri Ceyhun Bayramov AŞPA-nın ölkəmizə qarşı qərəzli addımından da danışıb. Vurğulayıb ki, AŞPA-nın əsas qərəzi Azərbaycanın ərazi bütövlüyünün və suverenliyinin bərpa edilməsi ilə bağlıdır. "Bu addımı qətiyyətlə pisləyirik. Azərbaycan nümayəndə heyəti öz mövqeyini bildirib. Avropa Parlamentinin mövqeyi həmişə mövcud idi, Azərbaycan nümayəndə heyəti də bu ittihamlara cavab verirdi", - deyə nazir qeyd edib. Ceyhun Bayramov yanvarın əvvəlində Ermənistan tərəfindən sülh müqaviləsi üzrə növbəti təklifləri əldə etdiklərini, hazırda Azərbaycan tərəfinin prosedura uyğun olaraq həmin paket üzrə öz daxili işlərini həyata keçirdiyini, yaxın günlərdə delimitasiya və demarkasiya komissiyalarının yenidən görüşəcəyini də açıqlayıb.

Lalə Nəsib