Yevlaxda rayon sakini Taleh Bərxudarovdan "Kalaşnikov-AK74" markalı avtomat, həmin silaha məxsus daraq və 3 ədəd patron aşkar edilərək götürülüb. Bundan başqa, rayon ərazisində saxlanılan 10 nəfərdən 2 kiloqrama yaxın müxtəlif növ narkotik vasitələr də aşkarlanıb. Bərdədə də Sərxan Həsənov "Kalaşnikov" avtomat, daraq və 30 ədəd patronla tutulub. O, həmin silahı azad edilmiş ərazilərdən tapdığını etiraf edib. Faktlarla bağlı cinayət işi başlanılıb. Xızının Giləzi qəsəbəsində isə bir ədəd 122 mm-lik qrad mərmisinin qalıqları tapılıb. FHN-nin mütəxəssisləri tərəfindən sursatın qalıqları ərazidən kənarlaşdırılıb.

Lalə Nəsib