Xocalı rayonunda kütləvi məzarlığın aşkarlandığı ərazidə əlavə qazıntı işləri aparılır. Kütləvi insan qalıqları aşkar olunandan sonra ərazidə digər işlər dayandırılıb. Baş Prokurorluğun və digər dövlət qurumlarının nümayəndələri ərazidədir. Bundan başqa, Beynəlxalq Qızıl Xaç Komitəsinin Bakı nümayəndəliyinin əməkdaşları da əraziyə dəvət olunub. Məzarlıqda tapılan insan qalıqlarına zərər dəyməməsi üçün ehtiyatla çıxarılaraq götürülür və aktlaşdırılır.